Aýylda qyzmetkerine úı salyp bergen jumys berýshiniń 50% shyǵyny sýbsıdııalanady
«Aýylda eńbek etetin adamdardy qoljetimdi turǵyn úımen qamtamasyz etý maqsatynda aýyldyq eldi mekende óz jumyskerleri úshin turǵyn úı salǵan jumys berýshilerdiń shyǵyndaryn sýbsıdııalaý tártibi belgilenedi. Sýbsıdııalar salynǵan turǵyn úıdi paıdalanýǵa berý týraly rastaıtyn qujattar bolǵan kezde bıýdjet zańnamasynyń talaptaryna sáıkes, respýblıkalyq nemese jergilikti bıýdjetterdiń qarajatynan bólinedi. Memleket aýyldyq jerlerde óz jumyskerleri úshin turǵyn úı salýǵa jumys berýshilerdiń shyǵyndarynyń 50%-na deıin óteıtin bolady», - delingen tujyrymdamada.
Talap boıynsha sýbsıdııalanǵan úıler 5 jylǵa eńbek sharty jasalǵan qyzmetkerge beriledi. Al, bul merzim aıaqtalǵannan keıin turǵyn úı sýbsıdııa somasyn esepke almaı, jumyskerdiń menshigine beriledi.
Qosa ketsek, 2029 jylǵa deıin 50 problemalyq turǵyn úıdiń qurylysy aıaqtalady.
Sonymen birge, qazaqstandyqtar zeınetaqy qoryndaǵy 2,7 trln teńgeden astam jınaǵyn baspana satyp alýǵa, ıpotekany jabýǵa paıdalanǵan.
Tujyrymdamany ashyq talqylaý 15 naýryzǵa deıin jalǵasady.
