Aýylda koronavırýs «anyqtaldy»: Aqtóbe oblysynda vıdeo avtory ustaldy
AQTÓBE. QazAqparat - Aqtóbe oblysynyń polıtseıleri koronavırýs týraly jalǵan aqparat taratqan Badamsha aýylynyń turǵynyn ustady, dep habarlaıdy QazAqparat Polisia.kz saıtyna silteme jasap.
Er adam óz úıiniń aýlasynda qorǵanysh kıimderi men betperde kıgen adamdar balalar alańynda dezınfektsııa jumystaryn júrgizip jatqanyn kórgen. Ony vıdeoǵa túsirip, ony «Badamsha aýylynda koronavırýs ınfektsııasyn juqtyrǵan adam anyqtaldy» degen kommentarıımen týystaryna taratqan. 34 jastaǵy er azamat ustalyp, óz kinásyn tolyǵymen moıyndady.
Fakti boıynsha ony ákimshilik jaýapkershilikke tartý máselesi sheshilip jatyr.
«Aqtóbe oblysynyń Polıtsııa departamenti jalǵan aqparat taratý faktilerin anyqtaý úshin kún saıyn áleýmettik jelilerge monıtorıng júrgizilip, arandatýshylyq málimetterdi anyqtaý boıynsha turaqty jumys júrgiziletindigin eskertedi. QR Ákimshilik quqyq buzýshylyq týraly kodekstiń 57-babyna sáıkes dúleı apat nemese basqa da tótenshe jaǵdaılar kezinde jasalǵan ákimshilik quqyq buzýshylyq jaýapkershilikti aýyrlatatyn mán-jaıǵa jatady», - delingen aqparatta.
