Aýyl jastary qalaǵa údere kóshpeı, aýylda eńbek etsin desek, olarǵa barynsha jaǵdaı jasaý qajet - senator Jabal Erǵalıev
TANA. 31 tamyz. QazAqparat /Aıdar Ospanalıev/ - «Aýyl jastary qalaǵa údere kóshpeı, agrarlyq salada eńbek etsin desek,
olarǵa barynsha jaǵdaı jasaý qajet»,-deıdi deıdi Parlament Senatynyń jańadan saılanǵan depýtaty Jabal Erǵalıev. Búgin Ortalyq saılaý komıssııasynyń otyrysynan soń jýrnalısterge suhbat bergen senator osylaı dedi.
Onyń aıtýynsha, Elbasy jaqynda Aqmola oblysyna jasaǵan saparynda óńirde mal sharýashylyǵyn damytý máselesine nazar aýdaryp, rızashylyǵyn bildirdi. Memleket basshysy jastarymyzdy mal sharýashylyǵy salasynda eńbek etýge jumyldyrý máselesin kóterdi. «Al jastar mal sharýashylyǵymen aınalyssyn desek, aýyldarymyzda jaqsy úıler salýymyz kerek. Qazir Aqmola men Kókshetaý óńirinde aýyldaǵy úılerdiń barlyǵy tyń ıgerý kezinde salynǵandar. Qazirgi ýaqytta olardyń tozyǵy jetti. Búgingideı keremet astanasy bar, keremet ǵımarattar salynyp jatqan elde ondaı úılerde jastardyń turǵysy kelmeıtini túsinikti. Sondyqtan bizge aýyldyq jerlerde turmysqa qolaıly úılerdi kóptep salý kerek. Sonda ǵana aýylǵa jastar baryp, eńbek etedi. Qoryta kelgende bizge aýyldan jastar ketpeıtindeı etý kerek»,-dedi depýtat.
Onyń pikirinshe, aýylǵa túrli sebeptermen kelip qalǵan jáne aýylda jumyssyz júrgen jastardyń barlyǵyn óz elderinde, aýyldarynda eńbek etetindeı, otbasyn quratyndaı jaǵdaı jasaý kerek. «Óıtkeni aýyl bizdiń altyn uıamyz. Bul baǵytta árıne, elde birqatar baǵdarlamalar da bar. Endi sol baǵdarlamalardyń sapaly, talapqa saı júzege asýyna úles qosý kerek», -dedi senator.
Sondaı-aq ol Aqmola oblystyq máslıhatynyń depýtattaryna shynaıy rızashylyǵyn bildiretindigin jetkizdi. «Meni «Nur Otan» halyqtyq-demokratııalyq partııasy usynyp, Aqmola oblystyq máslıhatynyń depýtattary, aýdandyq, qalalyq máslıhattar depýtattary senim bildirdi. Adamnyń senimi, halyqtyń senimi men úshin eń úlken mártebe. Aqmola oblysynyń depýtaty bolyp saılanǵannan keıin bolar, osy óńirdiń biraz áleýmettik máselelerin bilemin. Onyń ústine 38 jyl boıy Kókshetaýdaǵy basylymdarda jýrnalıst bolyp eńbek etken adammyn. Sondyqtan sol óńirdiń jetistigin de kemshiligin de jaqsy tanys»,-dedi senator.
