Aýyl jasóspirimderiniń jazǵy oıyndarynda bórlilikter jeńimpaz atandy - BQO
ORAL. QazAqparat - Terekti aýdanynda ótken BQO aýyl jasóspirimderiniń ІІ jazǵy oıyndarynyń qorytyndysy boıynsha jalpykomandalyq esepte Bórli aýdany jeńimpaz atandy.
Oblystyq dene shynyqtyrý jáne sport basqarmasynan túsken málimetke qaraǵanda, Aqjaıyq aýdany ekinshi, terektilikter úshinshi oryndy ıelendi. Jekelegen sport túrleri boıynsha voleıboldan uldardan Aqjaıyq, qyzdardan Bórli aýdany komandasy ozyq shyqty. Asyq atý, qazaq kúresi, toǵyzqumalaq jáne prezıdenttik kópsaıystan bórlilikter aldyna jan salǵan joq. Ústel tennısinen aqjaıyqtyqtar úzdik óner kórsetse, taekvondodan zelenovtyqtar jeńis tuǵyryna kóterildi. Shaǵyn fýtboldan terektiler qarsylas shaq keltirmese, erkin kúresten Aqjaıyq palýandarynyń mereıi ústem boldy.
