Aýyl turǵyny jaraly aqqýdy qutqardy - Pavlodar oblysy
PAVLODAR. QazAqparat - Búgin Pavlodar aýdany, Chernoıarka aýylynyń mańynan tabylǵan sybyrlaq aqqý oblys ortalyǵyna jetkizildi, dep habarlaıdy QazAqparat Pavlodarnews.kz saıtyna silteme jasap.
Bul týraly Pavlodar oblystyq jer qoınaýyn paıdalaný, qorshaǵan orta jáne sý resýrstary basqarmasy óziniń Instagram paraqshasynda jazdy.
- Pavlodar qalasynyń turǵyny Chernoıarka aýylynyń mańynda jas sybyrlaq aqqýdy taýyp alǵan. Ol butalardyń arasynda tyǵylyp qalǵan eken. Keıinirek Talǵat esimdi pavlodarlyq aqqýdy ormanshylarǵa jetkizdi. Kıeli qusqa degen qamqorlyǵy úshin jerlesimizge alǵys bildiremiz, - delingen baspasóz habarlamasynda.
Óz kezeginde ormanshylar qusty «Jan» veterınarlyq klınıkasyna jetkizdi. Sybyrlaq aqqýdy jiti teksergen mamandar onyń tumsyǵynyń jaraqattanǵanyn anyqtaǵan.
