Aýyl turǵyny ózi jaratyp qoıǵan aqshany urlandy dep polıtsııaǵa ótirik aıtqan
TALDYQORǴAN.QazAqparat - Almaty oblysynyń turǵyny úıindegi qarajatty jaratyp qoıyp, polıtsııaǵa jalǵan aqparat bergen, dep habarlaıdy QazAqparat tilshisi.
Almaty oblystyq polıtsııa departamenti baspasóz qyzmetiniń málimetinshe, Talǵar aýdanyndaǵy Gúldala aýylynyń 33 jastaǵy turǵyny polıtsııaǵa júgingen. 3 aqpan kúni ol úıine ury túskenin habarlaǵan. Biraq isti anyqtaı kele er azamat jalǵan aqparat bergenin moıyndady. Ol úıindegi qarajatty ózi jaratyp qoıyp, úıine ury tústi dep oıdan shyǵarǵan.
33 jastaǵy azamat mundaı qadamǵa úıdegi janjaldan qutylý úshin barǵanyn jetkizdi.
Qazir atalǵan fakti boıynsha QR QK 419-baby boıynsha is qozǵalyp, tergeý júrip jatyr.
Zańǵa sáıkes, endi kúdikti iri kólemde aıyppul tóleıdi nemese 200 saǵatqa qoǵamdyq jumysqa tartylýy múmkin.
