Aýyl turǵyny ekiqabatty úıinde balalar ońaltý ortalyǵyn ashpaq – ShQO
Zaısan aýdany Daıyr aýylynyń turǵyny Meıirbaný Andarbaeva erekshe usynyspen ShQO ákimi Danıal Ahmetovke keldi. Ol óziniń ekiqabatty úıin balalar ońaltý ortalyǵyn ashý úshin aýdan ákimdiginiń balansyna berýge daıyn ekendigin jetkizdi.
«Árıne, mundaı usynys qoldaýǵa turarlyq. Ásirese Daıyr aýyldyq okrýginde tserebraldy sal aýrýy dıagnozy qoıylǵan 36 jáne ár túrli dıagnozdy balalar bar. Olardyń barlyǵyna arnaıy áleýmettik qyzmet qajet. Men aýdan ákimdigine osy ǵımaratty kórip, onyń balalardy ońaltý ortalyǵyna jaramdylyǵyn tekserýdi tapsyrdym. Sodan keıin barlyq qajetti qujattardy rásimdep, jóndeýdi bastaýǵa bolady», - dedi aımaq basshysy.
Onyń aıtýynsha, bul iske bilim basqarmasynyń, jumyspen qamtý jáne áleýmettik baǵdarlamalardy úılestirý basqarmasynyń mamandary da jumyldyrylady.
«Osyndaı ortalyq balalarǵa qajetti medıtsınalyq jáne basqa da qyzmetterdi alýǵa zor múmkindik beredi. Meıirbaný Isabekqyzynyń usynysy otansúıgishtiktiń, týǵan aýylǵa degen súıispenshiliktiń jarqyn úlgisi», - dedi D.Ahmetov.