Aýyl turǵyny 8 jasar balasyn jasóspirimder qorlaǵanyn aıtyp polıtsııaǵa aryzdandy

ASTANA. QazAqparat - Almaty oblysy Jambyl aýdanynyń polıtsııa bólimine Qasymbek aýylynyń turǵyny aryzdanyp, 8 jasar balasynyń zorlyq kórgenin aıtqan, dep habarlaıdy QazAqparat polıtsııaǵa silteme jasap.

Ol óziniń aryzynda sol kúni saǵat 16:00 shamasynda 2015 jylǵy kámeletke tolmaǵan ulyna qatysty seksýaldyq sıpattaǵy zorlyq-zombylyq áreketteri jasalǵanyn habarlady.

Onyń aıtýynsha, 2011 jáne 2008 jylǵy eki jasóspirim aýyldyń shetinde ózderinen áldeqaıda kishi balany qorlaǵan.

Qazirgi ýaqytta sot-medıtsınalyq saraptama taǵaıyndalyp, tergeý júrip jatyr.

Atalǵan derek boıynsha oqıǵa qatysýshylarynyń biri - 2011 jylǵy jasóspirimniń ákesine QR ÁQBtK 127-babynyń 3-bóligi negizinde ákimshilik is qozǵaldy.

Budan ózge, tıisti materıaldar 27 naýryz kúni osy jasóspirimdi mamandandyrylǵan mektepke joldaý máselesin qaraý úshin ýákiletti organǵa jiberildi.

«Qylmystyq is júrgizý kodeksiniń 201-babyna sáıkes ózge aqparat jarııalanbaıdy» dep habarlady polıtsııa.