Aýyl turǵyny 4 mln teńge nesıe ýáde etken alaıaqqa aldanyp qalǵan
TÚRKІSTAN. QazAqparat – Túrkistan oblysynda alaıaq jergilikti turǵynǵa «4 mln teńge nesıe alyp beremin» dep, aldap ketken. Ózdiginen aqshasyn qaıtara almaǵan ol polıtsııaǵa aryzdanǵan, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, qazyǵurttyq turǵyn 4 mln teńge nesıe alyp berýge ýáde etken adamǵa 210 myń teńge bergenin aıtqan. Qomaqty aqshany alǵan soń, ol izin sýytqan.
Kúdiktini ustaý maqsatynda jedel-tergeý toby qurylyp, aqparat kózderi arqyly onyń tulǵasy anyqtalǵan. Nátıjesinde turyp jatqan mekenjaıy boıynsha ustaldy. Kinasyn tolyq moıyndaǵan. Sot sheshimimen ol «eshqaıda ketpeý týraly» qolhatpen bosatyldy.
«Qazirgi tańda QR QK-niń 190-baby «Alaıaqtyq» boıynsha tergeý amaldary júrgizilýde. Kúdiktiniń budan da basqa qylmystyq oqıǵalarǵa qatystylyǵy anyqtalýda», - dedi polıtsııada.
