Aýyl turǵyndarynyń tek 20-25 paıyzyna ǵana sport ǵımarattary qoljetimdi
«Biz sońǵy kezderi sport nysandaryn shalǵaıdaǵy aýyldarda salýǵa mán berip otyrmyz. Óıtkeni, iri qalalarǵa jaqyn aýyl turǵyndarynyń sportpen qamtylýǵa jaǵdaılary birshama barshylyq. Jalpy statıstıkalyq málimetterge súıensek, elimizde 36 myń sporttyq ǵımarattar bar, onyń ishinde 24,5 myń sport nysandary bilim berý mekemelerine qarasty bolyp tabylady. Sonymen qatar, taldaý nátıjeleri kórsetkenindeı, halyqtyń sport zaldaryna suranysy shamamen 43 paıyzdy quraıdy, al nysandar tapshylyǵy 56 paıyz bolyp otyr. Sonyń ishinde aýyldyq jerlerdegi sport nysanynyń tapshylyǵy 86 paıyzǵa jetip otyr», dedi A. Muhamedıuly.
Mınıstrdiń aıtýynsha, osynyń ózi aýyldaǵy turǵyndardyń tek 20-25 paıyzynyń ǵana dene shynyqtyrý jáne sport nysandaryna qol jetimdi ekenin kórsetip otyr.
«Bizdiń mınıstrlik «100 mektep» pen «100 aýrýhana» jobasy sekildi «100 dene shynyqtyrý kesheni» qurylysyn salýǵa bastama kóterip júr. Shyndyǵynda, sport zaldar men dene shynyqtyrý kesheni kóptep salynsa, onda «100 aýrýhana» jobasynyń qajettiligi de azaıar edi», - dedi mınıstr.
