Aýyl turǵyndarynyń synynan keıin jol sapasyna tekseris bastaldy
Buǵan deıin Túrkistan oblysy Baltakól aýylynyń turǵyndary áleýmettik jelide jańadan salynyp jatqan joldyń sapasyna syn aıtyp, másele etip kótergen bolatyn.
Jelidegi jazbadan soń merdiger jol qurylysyn toqtatýǵa májbúr boldy. Nysanǵa Ulttyq sapa ortalyǵy arnaıy kelip, tekserý júrgizdi. Nátıjesinde tóselgen tastyń qalyńdyǵy 17 sm bolyp shyqty, smetalyq qujatta ol – 6 sm. ıAǵnı 3 esege jýyq qalyń tóselgen. Jyljymaly zerthana tas tósemniń talapqa saı ekenin anyqtady. Tek, tyǵyzdyǵynda kem-ketik bary belgili boldy.
«Merdiger asfalt joldaryn tóseýden buryn tyǵyzdyǵyn normaǵa jetkizedi. Bizdiń tekseris anyqtaǵandaı, ol 90 paıyzǵa jetip tur. Ony 100 paıyzǵa jetkizgennen keıin asfalt tóseýge ruqsat etiletinin eskerttik. Jumys tolyq aıaqtalǵan soń mamandar kósheni taǵy da tekserýden ótkizetin bolady», - dedi «Jol aktıvteri ulttyq sapa ortalyǵynyń» bólim basshysy Danııar Kamalov.