Aýyl turǵyndaryna shaǵyn nesıe alý joldary qandaı
«Búgingi kúni óńirler boıynsha qosymsha bólinetin qarajatty aldyn ala bólý jumysyn júrgizdik. Sońǵy qaryz alýshyǵa nesıe qarajatyn tezirek jetkizý úshin aǵymdaǵy jyldyń sońyna deıin aldynda bólingen qarajat boıynsha úshjaqty nesıelik sharttarǵa qol qoıý jáne dereý shaǵyn nesıe bere bastaý qamtamasyz etiledi. Qosymsha bólinetin qarajat boıynsha úshjaqty kredıttik sharttarǵa qol qoıý aǵymdaǵy jylǵy sáýirdiń sońyna deıin qamtamasyz etiledi», - dedi Mádına Ábilqasymova.
Osy rette ol mınıstrlik halyqty shaǵyn nesıemen kóbirek qamtý úshin qala men aýyldarda nesıe berý lımıtin saralanǵan túrde qarastyrýdy usynyp otyrǵandyǵyn aıtty. Buǵan qatysty tıisti ózgerister baǵdarlama aıasynda júzege asyrylatyn bolady.
«Sońǵy qaryz alýshylarǵa mıkrokredıtti jetkizý tetigi jasaldy. Qala men monoqalalarda shaǵyn nesıelerdi qorlandyrýdy «Damý» qory júzege asyrady. ıAǵnı, qarajat ekinshi deńgeıli bankter, mıkroqarjylyq uıymdar arqyly beriletin bolady. Al aýyldyq eldi mekenderde «Aýyl sharýashylyǵyn qarjylaı qoldaý» qory men «Agrarlyq nesıe korporatsııasy» AQ arqyly júrgiziletin mıkroqarjylyq uıymdar jáne kredıttik seriktestikter arqyly beriledi», - dedi mınıstr.
Onń aıtýynsha, jeńildik berilgen shaǵyn nesıe 5 jylǵa deıingi, mal sharýashylyǵy salasyndaǵy jobalar jáne aýyl sharýashylyǵy koperatıvterin qurý úshin shaǵyn nesıe 7 jylǵa deıingi merzimge usynylady.
«Syıaqynyń jyldyq tıimdi mólsheri 6 paıyzdan aspaıdy. Jalpy usynylyp otyrǵan tetikterdi iske asyrý úshin baǵdarlamaǵa, sonymen qatar aýyldyq eldi mekender men qalalarda shaǵyn nesıe berý jónindegi qaǵıdalarǵa ózgerister engiziletin bolady. Mıkrokredıtke qosymsha bólingen qarajatty eskere otyryp, baǵdarlamanyń nysanaly ındıkatorlary naqtylanady»,- dedi ol.
Foto: www.cdservices.com
