Aýyl turǵyndary úshin keńes berý qyzmetiniń jumysy jalǵasýda
Jobany iske asyrý bastalǵannan beri 100-den astam keńes berildi, olardyń bir bóligi – keshendi, ıaǵnı «umbrella» qaǵıdatyna sáıkes árbir ótinish boıynsha 3 - 10 aýyl turǵyndaryna kómek kórsetiledi. Keńes berýshiler 2,5 aıda aýyl turǵyndarynyń ózekti máseleleri boıynsha 50-den astam skrıpt ázirledi.
Jelilik ózara is-qımyl retke keltirildi jáne qyzmettiń erejeleri jedel pysyqtaldy.
Sonymen qatar 2021 jyldyń 3-4 maýsymynda Qazaqstannyń 14 aımaǵynan kelgen «Keńes» qyzmetiniń úılestirýshileri Almatyda jattyqtyrýshylarǵa arnalǵan trenıngte (JAT) kezdesti.
Atalǵan is-shara barysynda saýalnama nátıjeleri negizinde aýyl turǵyndarynyń quqyqtyq saýattylyǵynyń tómen bolý sebepterine egjeı-tegjeıli taldaý júrgizildi. Іs-qımyldardyń biryńǵaı algorıtmi quryldy, olar keńes berýmen qatar kóptegen adamdarǵa quqyqtary týraly bilimderin nyǵaıýǵa kómektesedi. Pikirtalastar tartysty ótti, ár túrli taraptardyń ustanymdary qarastyryldy: «Memleket qandaı sharalar qoldanýda, azamattyń ózi ne isteı alady jáne ne isteýi kerek».
«JAT» formaty jelidegi úılestirýshilerdiń ózara is-qımylyn sapaly damytýǵa múmkindik berdi.
«Keńes» onlaın keńes berý qyzmetiniń mindetteriniń biri aýyl turǵyndarynyń quqyqtyq saýattylyǵyn qalyptastyrý bolyp tabylatynyn atap ótý qajet. Úılestirýshiler alynǵan aqparatty qalaı qoldanǵanyn, qandaı nátıje alǵanyn anyqtaý úshin ótinish berýshilerge habarlasyp turady.
Jobany iske asyrý 2021 jylǵy qarashaǵa deıin jalǵasady. Aýyl turǵyndary konsýltatsııa, qajetti materıaldar alýǵa jáne ózderiniń quqyqtyq múmkindikteri týraly bilimin tereńdetýge múmkindikteri bar. Keńes berýshiler ıdeıany júzege asyrǵysy keletin, jeńildikterdi paıdalanǵysy keletin, biraq qalaı jáne qaıda barý kerektigin bilmeıtin tulǵalarǵa qajetti aqparatty beredi.
Ótinish/suraqty kelesi baılanystar arqyly joldaı alasyz: onlaın keńes - https://trinta.kz/kenes, whatsapp, dybystyq poshta +7-707-650-43-80, e-mail: trinta-kz@mail.ru.
