Aýyl turǵyndary SQO qutqarýshylaryna alǵys bildirdi (FOTO)
ASTANA. QazAqparat - Soltústik Qazaqstan oblysy TJD qutqarýshylary, elimizdiń basqa oblystarynan kómekke kelgen QR TJ komıtetiniń kúshteri, ІІD qyzmetkerleri, jergilikti atqarýshy organdar táýlik boıy sý tasqynyna qarsy is-sharalardy júrgizý ústinde. Bul týraly vedomstvonyń baspasóz qyzmeti habarlady.
Al ıgilikti is oblys turǵyndarynyń nazarynan tys qalmady.
Jýyrda oblystyq TJD basshysynyń atyna qutqarýshylarǵa degen alǵysyn bildirgen Tendik aýyly turǵyndarynyń atynan Taıynsha aýdanynyń Tendik aýyldyq okrýgtyń ardagerler keńesiniń tóraǵasy Maral Maldabaevten hat keldi.
Maral Beısenuly óz hatynda qazaq halqynda «Bárinen buryn ot pen sýdan qoryq» degen máteldiń tekten-tekke bar ekenin jazady, óıtkeni osy eki qubylys jolyndaǵynyń bárin buzady.
«Qysta mólsherinen kóp qardyń jaýýy saldarynan, Teńdik aýylyna sý astynda qalý qaýpi tóngen, byltyr jańa jylǵa deıin jańbyr jaýyp, jer beti qatqan edi, sondyqtan qardyń erigen sýy jerge sińbeı, qaýip tóndirip, aýyldyń ústimen aqty. Aýylymyz Shaǵalaly kóliniń Shaǵalaly ózen quıylysynda ornalasqan. Oblystyq jáne aýdandyq TJ qyzmetkerleriniń, jergilikti atqarýshy bıliktiń jyldam áreket etýiniń arqasynda úlken qıynshylyq eńserildi. Pobeda aýylynyń janyndaǵy bóget tusynda keptelgen seń qoparylyp, sý kólge aqty, sol arqyly Teńdik jáne Pobeda eki aýyldy sý basýdan qutqaryldy», dep jazady aýyldyq ardagerler keńesiniń tóraǵasy.
Maral Maldybaev tabıǵı apattan adamdardy qutqarýda kórsetken kómekteri úshin TJ vedomstvosynyń qyzmetkerlerine alǵys bildirip, olardyń qıyn da qaýipti mamandyqtarynda tabys tileıtindigin jetkizgen. 
