Aýyl turǵyndary aýyz sýdy satyp alyp otyr - Elbasyǵa joldanǵan hattardan
ANA. Qarashanyń 4-i. QazAqparat /Arman Asqarov/ - Ońtústik Qazaqstan oblysy, Saryaǵash aýdanynyń Darbaza aýylynda eki sý uńǵysy bar.
Ekeýi de jeke menshikte. Osynyń saldarynan biz sý satyp alýǵa májbúr bolyp otyrmyz. Bul týraly QR Prezıdenti Nursultan Nazarbaevtyń tikeleı jeli arqyly halyqpen tildesýine oraı jumys istep jatqan Baılanys ortalyǵyna búgin saýal joldaǵan Darbaza aýylynyń turǵyndary habarlady, dep habarlaıdy QazAqparat.
«Sýdyń 1 tonnasy 500 teńge turady. Onyń sanıtarlyq normalarǵa sáıkes kelmeýi óz aldyna, qysta ol muz bolyp qatyp qalady. Eritip alý qıyn. Eki uńǵydan basqa esh jerde sý joq. Nege bizge sý qubyry tartylmaıdy? Ol bolmasa, kún saıyn máshınemen sý ákelinse eken deımiz. Qurmetti Prezıdent, osy máselemizdi sheship berýińizdi suraımyz», - delingen Darbaza aýyly turǵyndarynyń hatynda.
Aıta keteıik, Prezıdentke respýblıkanyń shalǵaı jerlerinen túsip jatqan hattarda aýyldy mekenderdegi aýyz sý, jer jáne jol máselesi kóptep aıtylýda. Aýyl halqy jergilikti bıliktiń áreketsizdigi jaıynda baıandap, Elbasy júktegen tapsyrmalardyń júzege asyrylmaı jatqandyǵyn jetkizýde.
