Aýyl túlekterin UBT-ǵa jetkizetin kásiporyn memlekettik satyp alýlar arqyly anyqtalýda
QYZYLORDA. QazAqparat- Qyzylorda oblysy aýmaǵy boıynsha UBT ótkiziletin 9 testileý ortalyǵy talapqa saı tehnıkalyq qondyrǵylarmen túgel jabdyqtaldy.
Bul týraly óńir ákimi Qyrymbek Kósherbaevtyń tóraǵalyǵymen ótken jıynda oblystyq bilim basqarmasynyń basshysy Baqytjan Saılybaev málimdedi, dep habarlady QazAqparat.
Málim bolǵandaı, testileý ortalyǵynan 50 shaqyrymnan qashyq ornalasqan shalǵaı eldi mekenderden keletin oqýshylardy kólikpen, sondaı-aq ystyq tamaqpen jáne jatyn orynmen qamtamasyz etýge memlekettik satyp alý protsesi júrgizilýde.
Jıynda qala ákimi Nurlybek Nálibaev pen qoǵamdyq densaýlyq saqtaý departamentiniń basshysy U.Ahanaeva osy baǵytta atqarylǵan jumystar jaıly baıandady. Jıyndy qorytyndylaǵan oblys ákimi 20-22 maýsym aralyǵynda ótetin UBT synaǵyn joǵary talapqa saı ótkizýdi, bul oraıda qoǵamdyq qaýipsizdik sharalaryn qatań qadaǵalaýdy tapsyrdy.
