Aýyl taksısteri zańsyz adam tasyǵany úshin jaýapqa tartyldy
ASTANA. QazAqparat - Soltústik Qazaqstan oblysynyń Aqqaıyn aýdandyq sotynda aýyldyń eki kólik júrgizýshisine qatysty azamattyq is qaraldy, dep xabarlaıdy QazAqparat tilshisi.
Sot materıaldaryna sáıkes, salyq organdarynyń tekserisi kezinde Smırnovo aýylynda zańsyz kásipkerlik qyzmetpen aınalysqan azamattar anyqtaldy. Aýyldyń eki turǵyny jeke kólikterimen adam tasyp, aqsha tapqan. Alaıda jeke kásipker retinde memlekettik organdarda tirkelmegen.
«Sot qaýlysymen N. jáne M. ákimshilik quqyq buzýshylyq týraly kodekstiń 463-baby, 1-tarmaǵy boıynsha zańsyz kásipkerlik qyzmetpen aınalysqany úshin kináli dep tanylyp, árbireýi 15 aılyq eseptik kórsetkish (36 075 teńge - avt.) kóleminde aıyppul tóleýge mindetteldi», - delingen sottyń resmı xabarlamasynda.
