AUYL SPORT: úlken sportqa jol ashatyn múmkindik
ASTANA. KAZINFORM – AUYL SPORT jobasy bıyl elimizdiń túkpir-túkpirinen 10 myńnan asa qatysýshyny biriktirip, chempıondardyń bastaýy aýyldan ekenin dáleldedi.
Alǵashqy jeńister men jańa esimder
Qyzylorda oblysynda maýsymnyń ashylýy ótti. Jarysqa 1200-den asa bala qatysyp, 236 medal sarapqa salyndy. Jańaqorǵan jáne Qazaly aýdandary kósh bastap, ulttyq fınalǵa laıyq deńgeı kórsetti.
— Men Qamshybek Qońqabaev sııaqty bolǵym keledi. Men úshin AUYL SPORT — úlken sportqa alǵashqy qadam, - deıdi jas sportshylardyń biri.
Seriktestik pen qoldaý
Tımýr Qulybaevtyń «Halyk» qaıyrymdylyq qory bastamasymen júzege asqan jobaǵa Qazaqstan boks federatsııasy men Týrızm jáne sport mınıstrligi qoldaý kórsetip jatyr.
— AUYL SPORT — bir rettik týrnır emes, shynaıy platforma. Biz bapkerler daıyndap, sport zaldaryn jańartyp, balalarǵa buryn bolmaǵan múmkindikti usynamyz, ıaǵnı aýyl mektepterinde úlken sportpen aınalysýǵa jol ashamyz, - deıdi Halyk qorynyń atqarýshy dırektory Ǵalymbek Jaqsylyqov týrnırdiń basty maqsaty men bıylǵy josparlar jaıly pikirinde.
Aýyldan álemge
AUYL SPORT jobasy byltyr ǵana bastalsa da, alǵashqy nátıjesin kórsetip te úlgerdi. 12 myńnan asa aýyl balasy týrnırlerge qatysyp, kópshiligi respýblıkalyq jáne halyqaralyq jarystarǵa joldama aldy.
2025 jyldyń kókteminde jobanyń tárbıelenýshileri Qazaqstanǵa álemdik arenada alǵashqy medaldaryn syılady. Bul — aýyl chempıon tárbıeleı alatynyn dáleli.
Bolashaqqa jospar
2025 jyly jobanyń aýqymy keńeıedi: týrnırler eldiń barlyq óńirinde ótedi. Uıymdastyrýshylardyń maqsaty — AUYL SPORT-qa 10 myńnan asa mektep oqýshysyn tartý.
Qorytyndy
AUYL SPORT — jaı ǵana jarys emes, balalarǵa armanǵa jol ashatyn jáne jańa chempıondar býynyn qalyptastyratyn qozǵalys.
Al bul joldyń bastaýy — aýyl.
Eske sala keteıik, byltyr jańa jyl qarsańynda Almatyda AUYL SPORT-2024 respýblıkalyq týrnıri máresine jetip, respýblıkalyq týrnırdiń fınaly elimizdiń 17 oblysynan 1300-den astam jas sportshyny bir alańǵa jınaǵan edi.