Aýyl sharýashylyq kooperatıvterine arnaıy salyq jeńildikteri qarastyrylady
Bul týraly búgin Ortalyq kommýnıkatsııalar qyzmetinde ótken baspasóz máslıhatynda QR Aýyl sharýashylyǵy vıtse-mınıstri Ermek Kósherbaev málim etti.
Onyń sózine qaraǵanda, osy salany damytý maqsatynda «Aýyl sharýashylyq kooperatıvteri týraly» jańa zań jasaqtalýda. Osy zańnyń aıasynda aýyl sharýashylyq kooperatıvteri kommertsııalyq uıym retinde sanalatyn bolady. Osynyń arqasynda kooperatıvtiń kiristeri kooperatıvtiń ishki damýyna baǵyttalady. «Kooperatıv qyzmetiniń ashyqtyǵyn qamtamasyz etý maqsatynda, sondaı-aq aýyl sharýashylyǵy seriktestikterine jáne aýyl sharýashylyq tutynýshy kooperatıvterge arnaıy salyq rejimi sııaqty memlekettik qoldaýdyń joqtyǵyn eskere otyryp, olardy qoldaý úshin aýyl sharýashylyq kooperatıvterine arnaıy salyq rejimi engiziledi. Soǵan oraı, mindetti ishki aýdıt jasalady jáne onyń qunyna shaqqanda 50 paıyzǵa deıin sýbsıdııalaý múmkindigi bolady», - dedi ol.
Qazirgi ýaqytta zań jobasy Parlament Májilisinde qaralýda.
