Aýyl sharýashylyǵynyń jalpy ónim óndirisi 27,3 paıyz ulǵaıdy
ASTANA 7 qańtar. QazAqparat - 2011 jyldyń 11 aıynda aýyl sharýshylyǵynyń jalpy ónim óndirisi (qyzmet kórsetýi) 2135,7 mlrd. teńgeni qurady, bul 2010 jyldyń sáıkes kezeńindegi kórsetkishten 27,3 paıyzǵa kóp, dep habarlady Aýyl sharýashylyǵy mınıstrliginiń baspasóz qyzmetinen Pm.kz saıtyna.
«16,1 mln. ga egistik alqabynan 18,5 ts/ga shyǵymdylyqpen býnkerlik salmaqta 29,7 mln. tonna astyq bastyryldy (bul 2010 jylǵy deńgeıden (9,0 ts/ga) 9,5 ts/ga nemese 2 esege kóp),- delingen vedomstvo aqparynda.
Atap aıtqanda, 13,8 mln. ga alqaptan 25,1 mln. tonna bıdaı (ortasha shyǵymdylyq -18,2 ts/ga), 1,5 mln. ga alqaptan 2,7 mln. tonna tary (18,2 ts/ga) bastyryldy. 46,5 ts/ga shyǵymdylyqpen 435 myń tonna kúrish, 48,6 ts/ga shyǵymdylyqpen 479 tonna júgeri jınaldy.
