Aýyl sharýashylyǵyndaǵy jemqorlyqtyń aldyn alý jıyny ótti
Elimizdiń sybaılas jemqorlyqqa qarsy qyzmetimen birge uıymdastyrylǵan shara barysynda Aýyl sharýashylyǵy vıtse-mınıstri Gúlmıra Isaeva vedomstvoǵa qarasty Agroónerkásip keshenindegi memlekettik ınspektsııa komıtetiniń memlekettik satyp alýlary barysynda anyqtalǵan zań buzýshylyqtardy joıý baǵytynda atqarylǵan jumystarǵa toqtaldy.
«QR Aýyl sharýashylyǵy mınıstrligi jemqorlyq quqyq buzýshylyqtyń aldyn alý jumystaryn únemi júrgizip otyrady. Biz sybaılas jemqorlyqqa qarsy qyzmettiń jemqorlyq zań buzýshylyqtardy azaıtý jáne jemqorlyq qylmystar jasaýǵa túrtki bolatyn jaıttardy joıý jóninde sharalar qabyldaý boıynsha bergen barlyq usynystaryn oryndadyq», - dedi vıtse-mınıstr.
Onyń aıtýynsha, memlekettik satyp alý rásimderinde asa qaýipti zııankesterge qarsy óńdeý kezinde qoldanylatyn arnaıy tehnıkanyń qujattaryn memlekettik tirkeý erejelerine sáıkes usyný talaby belgilendi. Sonymen qatar, tehnıka túrleri men óńdeý oryndary naqtylandy. Mınıstrliktiń ishki úderisterin basqarý jónindegi nusqaýlyqqa, memlekettik satyp alý rásimderine qatysatyn barlyq bólimsheler men memlekettik qyzmetshilerdiń jedel ózara is-qımylyna qatysty Agroónerkásip keshenindegi memlekettik ınspektsııa komıteti qyzmetkerleriniń laýazymdyq nusqaýlyǵyna ózgerister engizildi.
Foto: moa.gov.kz