Aýyl sharýashylyǵyndaǵy saqtandyrý júıesi túbegeıli ózgeredi
«Qarjylandyrýdyń qoljetimdigin arttyrý úshin zań jobasy aıasynda qoldanystaǵy qarjy tetikterin jetildirý jáne jańalaryn engizý kózdelgen. Aýyl sharýashylyǵyndaǵy saqtandyrý júıesi túbegeıli ózgeretin bolady. Mindetti saqtandyrýdan erikti saqtandyrýǵa, saqtandyrý tólemderin sýbsıdııalaýdan saqtandyrý syıaqylaryn sýbsıdııalaýǵa kóshý júzege asyrylady. Saqtandyrýdyń qoldanystaǵy tetigi salada táýekelderdi basqarýdyń tıisti deńgeıin qamtamasyz etpeıdi dep aıtýǵa bolady. Egis alańdarynyń jartysy da saqtandyrýmen qamtylmaıdy», - dedi Aýyl sharýashylyǵy mınıstri Saparhan Omarov.
Onyń sózine qaraǵanda, 2018 jyly 43 paıyzǵa ǵana saqtandyrylǵan.
«Saqtandyrýdyń 70 paıyzyn ózara saqtandyrý qoǵamdary jabady. Olardy tıisti baqylaýdyń joqtyǵy - tarıfterdi belgileý, saqtandyrý syıaqylaryn jınaý, saqtandyrý tólemderin tóleý bóliginde zańnamany buzýǵa ákeledi. Mindetti saqtandyrýdyń keleńsiz tájirıbesin eskere otyryp, erikti saqtandyrýǵa kóshý týraly sheshim qabyldandy. Saqtandyrý tólemderin sýbsıdııalaýdan saqtandyrý syıaqylaryn sýbsıdııalaýǵa kóshý - agroónerkásiptik keshen sýbektileri úshin saqtandyrýǵa qoljetimdilikti arttyrady. Óıtkeni saqtandyrý polısi ekinshi deıgeıdegi bankterden qaryz alýda qosymsha kepildik bola alady», - dedi mınıstr.