Aýyl sharýashylyǵyndaǵy kásipkerlerge qoıylatyn 170-ke jýyq retteý talabynyń kúshi joıylady
Osyǵan baılanysty, QR Aýyl sharýashylyǵy mınıstrligi «Atameken» UKP, sarapshylar jáne múddeli memlekettik organdarmen birlesip, AÓK salasyndaǵy qoldanystaǵy normatıvtik quqyqtyq aktilerge olardyń jańa bazalyq tásilderge sáıkestigi turǵysynan taldaý júrgizdi, dep habarlaıdy QazAqparat mınıstrliktiń baspasóz qyzmetine silteme jasap.
Jumys 7 baǵyt: veterınarııa, ósimdikterdi qorǵaý jáne karantın, tuqym sharýashylyǵy, astyq naryǵy, organıkalyq jáne aýyl sharýashylyǵy ónimderin óńdeý, jer qatynastary jáne mal sharýashylyǵy boıynsha júrgizildi.
Tekserý jáne baǵalaý qorytyndysy boıynsha aýyl sharýashylyǵy taýaryn óndirýshilerge qoıylatyn 170-ke jýyq talaptyń, onyń ishinde ósimdikterdi qorǵaý jáne karantın jónindegi 50 talaptyń jáne veterınarııa salasyndaǵy 80 talaptyń kúshin joıý jáne qaıta qaraý týraly sheshim qabyldandy.
«Taza paraqtan» reformasyn iske asyrý bıznes ortany retteýdiń tıimdiligin arttyrýǵa jáne aýyl sharýashylyǵy salasyndaǵy kásipkerlikti jandandyrý úshin qolaıly jaǵdaılar qalyptastyrýǵa múmkindik beredi. Bul baǵyttaǵy jumys jalǵasyp jatyr»,-delingen mınıtsrliktiń baspasóz qyzmeti taratqan habarlamada.