Aýyl sharýashylyǵyndaǵy bir jumyskerdiń eńbek ónimdiligi 2,4 mln teńgege jetti
«Tutastaı alǵanda, aýyl sharýashylyǵynyń jalpy ónim kólemi ótken jyly 0,9 paıyzǵa artyp, 5,2 trln teńgeni qurady. Bul rette, mal sharýashylyǵy ónimderin óndirý kólemi 4 paıyzǵa artsa, qolaısyz aýyl sharýashylyǵy jaǵdaılaryna baılanysty ósimdik sharýashylyǵy 1,7 paıyzǵa tómendedi», - dedi mıınstr Ortalyq komýnıkatsııalar qyzmetindegi onlaın kezdesýde.
Onyń dereginshe, 2019 jyly salaǵa 501,6 mlrd teńge ınvestıtsııa tartyldy. Bul ótken jyldyń deńgeıinen 41 paıyzǵa joǵary.
«2019 jyldyń qorytyndysy boıynsha aýyl sharýashylyǵyndaǵy eńbek ónimdiligi bir jumyskerge shaqqanda 2,4 mln teńgeni qurady. Bul ótken jyldyń deńgeıinen 14 paıyzǵa kóp. Ótken jyly aýyspaly egisti saqtaı otyryp, rentabeldiligi joǵary daqyldar alańyn ulǵaıtý maqsatynda maıly jáne burshaqty daqyldar egisteri artty. Mysaly zyǵyr alańy 18,2, soıa alańy 10,7, kókónis-baqsha daqyldary alańy 4,7 paıyzǵa ulǵaıtyldy. Júrgizilgen alańdardy ártaraptandyrý nátıjesinde bıdaı alańdary monodaqyl retinde 11,3 mln gektarǵa qysqartyldy», - Saparhan Omarov.