Aýyl sharýashylyǵynda jumys istep jatqandarǵa memlekettiń qoldaýy qajet - Dáýren Qýat
«Jer – ulttyń, memlekettiń menshigi. Bir memleket ekinshi memleketke jerin satpaıdy. Jerdi soǵys jaǵdaıynda tartyp alý ǵana múmkin. Beıbit túrde, komertsııalyq maqsatta jer satý degen bolmaıdy. Jerdi satý – aqymaqtyq, al qazaq aqymaq emes. Jerdi el ıgiligine paıdalana bilý kerek. Ol úshin aýyl sharýashylyǵynda jumys istep jatqan adamdarǵa memleket tarapynan qoldaý qajet, olarǵa arnalǵan memlekettik baǵdarlamalar bolýy kerek», - deıdi «Qazaq ádebıeti» gazetiniń bas redaktory Dáýren Qýat.
Ol qazirgi ýaqytta jerdi ıgerýdiń, óńdeýdiń jańa tehnologııasy kóp ekenin aıtty.
«Osy turǵyda basqa memlekettermen tájirıbe almasyp kórý kerek. Jańa tehnologııany meńgerý arqyly jerdi ıgiligimizge jarata bilý kerek. Al jerdi satý – satqyndyq. Barlyq memleket basshylary jer úshin soǵysqan, biraq satpaǵan», - deıdi ol.
Eske sala ketsek, QR Prezıdenti Qasym-Jomart Toqaev Qazaqstan halqyna Joldaýynda jerimiz sheteldikterge satylmaıtynyn aıtqan bolatyn.
«Kelesi jyly aýyl sharýashylyǵy maqsatyndaǵy jerlerde paıdalaný máselesi boıynsha Jer kodeksiniń keıbir normalaryna engizilgen moratorıı kúshin joıady. Jerimiz sheteldikterge satylmaıdy», - dedi Memleket basshysy.
