Aýyl sharýashylyǵynda «roıaltıdiń» áleýeti qandaı
«2019 jyly aýyl sharýashylyǵyndaǵy «roıaltıdiń» áleýetin shamamen eseptep kórdik. Tek ósimdik sharýashylyǵynda onyń kólemi jylyna 10 mlrd teńge somasynda. Sonyń 3 mlrd teńgesin tikeleı ǵalymdarǵa tóleýge bolady», - dedi T. Rahymbekov AÓK salasynda ǵylymı jetistikterdi kommertsııalandyrý taqyrybyndaǵy onlaın-konferentsııada.
Onyń aıtýynsha, 2020 jyly ǵylymdy qarjylandyrý 7,5 mlrd teńgege jetti.
«Onyń ishinde úshten birin eńbekaqy qory qurap tur, ıaǵnı 2,5 mlrd teńgesi. Eger de mıllıard teńgesin ákimshilik personalǵa – dırektorlar, býhgalterler, kardlar, zańgerler, júrgizýshilerge jáne basqalaryna baǵyttalsa, onda ǵalymdarǵa 1,5 mlrd teńge tıesili bolady. Osynyń ústine olarda taǵy da 3 mlrd teńgeni «roıaltı» esebinen alý múmkindigi bar. Bul turǵyda shynaıy eńbek etip júrgen ǵalymdar alar edi», - dedi T. Rahymbekov.
Budan buryn habarlanǵandaı, Tóleýtaı Rahymbekov agrarlyq salada ǵalymdar óziniń ǵylymı jumystaryna syıaqy alýy kerektigin atap ótti.
«Kommertsııalandyrý – bul termın qazirgi kezde bizdiń qoǵamdyq ómirimizde óziniń naqty ornyn alyp otyr. Kommertsııalandyrýdyń qajet ekenine daý joq, alaıda sózden iske kóshý úshin biraz sharýany eńserý kerek. Kommertsııalandyrýdyń ishindegi eń basty tetikteriniń biri – ol «roıaltı júıesi», - dedi ol.
