Aýyl sharýashylyǵyna qor jınaýdy arttyrýymyz kerek - Ómirzaq Shókeev

ASTANA. QazAqparat - Memlekettik baǵdarlamalardy júzege asyrýǵa 3-ten 6 trln teńgege deıin baǵyttalsa, aýyl sharýashylyǵyna bar-joǵy 200 mıllıard teńge jumsalyp otyr. QR Ulttyq kásipkerler palatasynyń basshysy Abylaı Myrzahmetov QR Premer-Mınıstriniń orynbasary Ómirzaq Shókeevpen kezdesý kezinde osylaı dep málim etti, dep habarlaıdy «QazAqparat» HAA tilshisi.

«2013-2014 jyldary biz aýyl sharýashylyǵyn targetteýdi oılastyrǵan bolatynbyz. Sondyqtan, osy quraldardy jetildirýdiń mańyzy asa zor», - deıdi Abylaı Myrzahmetov.

Al Ómirzaq Shókeevtiń aıtýynsha, agrarlyq salany damytý úshin qarjy salymyn arttyrý kerek. Onyń sózine súıensek, sońǵy jyldyń ózinde ekinshi deńgeıli bankterdiń aýyl sharýashylyǵyna bergen jalpy nesıesi 25 paıyzǵa qysqaryp ketken.

«Biz aýyl sharýashylyǵyna qor jınaýdy arttyra berýimiz kerek. Aýyl sharýashylyǵyna qaldyq qaǵıdaty boıynsha qaraıdy. Memlekettik baǵdarlamaǵa deıin basqa baǵdarlama qolǵa alynyp, onyń «salmaǵy» 1,5 trln teńge bolatyn. Memlekettik baǵdarlamany qabyldaǵannan keıin 1 trln teńge bolyp qaldy. Onyń ózi devalvatsııadan keıin. Bul úsh esege az degen sóz. Mundaı qarym-qatynastyń barynda aýyl sharýashylyǵy qalaısha draıver bola alady», - deıdi Ó.Shókeev.

«Talap» qoldanbaly zertteý ortalyǵynyń dırektory Rahym Oshaqbaevtyń pikirinshe, osy máseleler agrarlyq salaǵa aqsha quıý baǵytynda qarjy ınstıtýttaryn tejep otyr. Buǵan qosa sarapshy AShM basshylyǵyna eń aldymen, júıeli mindetterdi, atap aıtqanda táýekelderdi báseńdete otyryp, agrosektordyń ınvestıtsııalyq tartymdylyǵy týraly umytpaýǵa keńes berdi. 

«Biz qor jınaýdyń tómendep ketkenin kórip otyrmyz. Atalǵan salaǵa qarjynyń aǵymyn radıkaldy túrde arttyrý qajettigi týraly durys másele qoıyp otyrsyz. Biraq, onyń qaınar kózi memlekettik bıýdjet qana emes, jeke ınvestıtsııalar da bolýy kerek», - deıdi Oshaqbaev.

 Mınıstrlik birqatar jańa quraldardy ázirlep, bank ókilderiniń, sharýa qojalyqtar men oblystyq atqarýshy organdardyń talqysyna usynyp otyr. Talqynyń qorytyndysynda AShM tyń bastamalardy alǵa jyljytý úshin Úkimette keńes ótkizýdi kózdeýde.