Aýyl sharýashylyǵyn qoldaýǵa arnalǵan kredıtter boıynsha syıaqy stavkasyn óteý boıynsha sýbsıdııalaý Qaǵıdalary bekitildi
syıaqy stavkasyn óteý boıynsha sýbsıdııalaý qaǵıdalary bekitildi jáne Qazaqstan Respýblıkasy Úkimetiniń keıbir sheshimderine ózgerister engizildi.
* * *
Qazaqstan Respýblıkasy Úkimetiniń qaýlysy
2013 jylǵy 13 aqpan, 129, Astana, Úkimet Úıi
Aýyl sharýashylyǵyn qoldaýǵa arnalǵan kredıtter (lızıng) boıynsha
syıaqy stavkasyn óteý boıynsha sýbsıdııalaý qaǵıdalaryn bekitý
jáne Qazaqstan Respýblıkasy Úkimetiniń keıbir sheshimderine
ózgerister engizý týraly
«Agroónerkásiptik keshendi jáne aýyldyq aýmaqtardy damytýdy memlekettik retteý týraly» 2005 jylǵy 8 shildedegi Qazaqstan Respýblıkasy Zańynyń 11-babyna jáne «2013 - 2015 jyldarǵa arnalǵan respýblıkalyq bıýdjet týraly» 2012 jylǵy 23 qarashadaǵy Qazaqstan Respýblıkasy Zańynyń 14-babyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan aýyl sharýashylyǵyn qoldaýǵa arnalǵan kredıtter (lızıng) boıynsha syıaqy stavkasyn óteý boıynsha sýbsıdııalaý qaǵıdalary bekitilsin.
2. Qazaqstan Respýblıkasy Úkimetiniń keıbir sheshimderine mynadaı ózgerister engizilsin:
1) «Jeke jáne zańdy tulǵalarǵa kórsetiletin memlekettik qyzmetterdiń tizilimin bekitý týraly» Qazaqstan Respýblıkasy Úkimetiniń 2010 jylǵy 20 shildedegi № 745 qaýlysyna (Qazaqstan Respýblıkasynyń PÚAJ-y, 2010 j., 44, 401-qujat):
kórsetilgen qaýlymen bekitilgen jeke jáne zańdy tulǵalarǵa kórsetiletin memlekettik qyzmetterdiń tiziliminde:
rettik nómiri 268-joldyń 2-baǵany mynadaı redaktsııada jazylsyn:
«Aýyl sharýashylyǵyn qoldaýǵa arnalǵan kredıtter (lızıng) boıynsha syıaqy stavkasyn óteý boıynsha sýbsıdııalaý»;
2) «Aýyl sharýashylyǵy salasynda memlekettik qyzmetter standarttaryn bekitý týraly jáne «Jeke jáne zańdy tulǵalarǵa kórsetiletin memlekettik qyzmetterdiń tizilimin bekitý týraly» Qazaqstan Respýblıkasy Úkimetiniń 2010 jylǵy 20 shildedegi № 745 qaýlysyna ózgerister engizý týraly» Qazaqstan Respýblıkasy Úkimetiniń 2012 jylǵy 31 tamyzdaǵy № 1108 qaýlysyna (Qazaqstan Respýblıkasynyń PÚAJ-y, 2012 j., № 67, 973-qujat):
1-tarmaqtyń 16) tarmaqshasy mynadaı redaktsııada jazylsyn:
«16) «Aýyl sharýashylyǵyn qoldaýǵa arnalǵan kredıtter (lızıng) boıynsha syıaqy stavkasyn óteý boıynsha sýbsıdııalaý» memlekettik qyzmet standarty;»;
kórsetilgen qaýlymen bekitilgen «Aýyl sharýashylyǵyn qoldaýǵa beriletin kredıtter boıynsha syıaqy stavkasyn sýbsıdııalaý» memlekettik qyzmet standartynda:
ataýy mynadaı redaktsııada jazylsyn:
«Aýyl sharýashylyǵyn qoldaýǵa arnalǵan kredıtter (lızıng) boıynsha syıaqy stavkasyn óteý boıynsha sýbsıdııalaý» memlekettik qyzmet standarty»;
1-tarmaqta:
1) tarmaqsha mynadaı redaktsııada jazylsyn:
«1) baǵdarlama - tıisti qarjy jylyna arnalǵan respýblıkalyq bıýdjet baǵdarlamasy;»;
3) tarmaqsha mynadaı redaktsııada jazylsyn:
«3) qaryz alýshy - menshik nysanyna qaramastan, sharýa (fermer) qojalyqtaryn qosa alǵanda, aýyl sharýashylyǵy ónimderin qaıta óńdeýmen, azyq-túlik taýarlaryn óndirýmen aınalysatyn jeke, zańdy tulǵa, menshik quqyǵynda servıstik daıyndaý ortalyǵy bar zańdy tulǵa jáne aýyl sharýashylyǵy ónimderin daıyndaý, saqtaý, tasymaldaý jáne ótkizý jóninde qyzmetter kórsetetin selolyq tutyný kooperatıvi;»;
5) tarmaqsha mynadaı redaktsııada jazylsyn:
«5) kredıttik kelisim - qarjy ınstıtýty men qaryz alýshy arasynda jasalǵan qaryz (qarjy lızıngi) sharty;»;
11-tarmaqtyń altynshy bóligi 3) tarmaqshasynyń ekinshi jáne úshinshi abzatstary mynadaı redaktsııada jazylsyn:
«Baǵdarlama boıynsha qarjy ınstıtýttaryn aıqyndaý»;
«Qarjy ınstıtýttaryn aıqyndaý ótkizilgenge deıin ashylmasyn» degen sózder kórsetiledi.»;
kórsetilgen standartqa 1, 2, 3, 4 jáne 5-qosymshalar osy qaýlyǵa
1, 2, 3, 4 jáne 5-qosymshalarǵa sáıkes jańa redaktsııada jazylsyn.
3. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S. Ahmetov.
