Aýyl sharýashylyǵyn qarjylaı qoldaý qorynda birqatar taǵaıyndaýlar boldy
Bul týraly «Aýyl sharýashylyǵyn qarjylaı qoldaý qory» AQ baspasóz qyzmetinen habarlady.
«QazAgro» Ulttyq Basqarýshy Holdıngi» AQ basqarmasynyń sheshimimen Glýhov Anatolıı Leonıdovıch «Aýyl sharýashylyǵyn qarjylaı qoldaý qory» AQ Dırektorlar keńesiniń táýelsiz dırektory bolyp saılandy. Glýhov A.L. «Banktik is», «Qarjy jáne kredıt» mamandyqtary boıynsha bilim alǵan. «Qazaqstannyń mıkroqarjylyq uıymdary assotsıatsııasy» ZTB dırektory bolyp jumys jasaıdy, «Memlekettik kredıttik bıýro» AQ táýelsiz dırektory, sondaı-aq Ulttyq Kásipkerler Palatasynyń Qarjy sektory komıtetiniń qurylymyna kiredi.
Aktsıonerlik qoǵamdaǵy Dırektorlar Keńesiniń sheshimimen Baımurynov Marat Altynǵazyuly Qoǵamnyń Іshki aýdıt qyzmetiniń basshysy bolyp saılandy. Osyǵan deın «Qazastannyń Damý Banki» AQ enshiles uıymy - «BRK-Lızıng» AQ Іshki aýdıt qyzmetiniń basshysy bolyp jumys jasaǵan.
Sondaı-aq basqarma Tóraǵasynyń buıryǵymen Imanqulov Qazbek Bekbolatuly Shaǵyn nesıe uıymdarymen jumys jasaý departamentiniń dırektory bolyp taǵaıyndaldy. Buǵan deıin osy departamentte dırektorynyń orynbasary bolyp qyzmet atqarǵan.
