Aýyl sharýashylyǵyn qarjylaı qoldaý qory qurylymynda ózgerister oryn aldy

ASTANA. 21 qazan. QazAqparat - «Aýyl sharýashylyǵyn qarjylaı qoldaý qory» AQ Dırektorlar keńesi sheshimimen jańa shtattyq keste, ortalyq apparaty men fılıaldardyń jańa qurylymy bekitildi. Ózgerister nesıe qorjynyń ósýine, Jumyspen qamtý jol kartasynyń eki baǵytyn Qor arqyly júzege asyrylýyna jáne aýyldy jerlerde shaǵyn nesıeleýdi tıimdi júrgizý qajettiligine baılanysty engizildi. Bul týraly qordyń baspasóz qyzmetinen habarlady.

Qor basqarmasynyń sheshimimen uıymdastyrýshylyq qurylymy ońtaılandyryldy: monıtorıng departamenti jabylyp, shaǵyn nesıe uıymdarymen jáne problemalyq qaryzdarmen jumys júrgizý jónindegi departamentter ashyldy.

Qoǵamnyń buıryǵymen Bolat Kóldeev - basqarma tóraǵasynyń keńesshisi, Ásemgúl Qaıyrdenova - problemalyq qaryzdarmen jumys júrgizý jónindegi departamentiniń dırektory, Raýshan Mádıeva - shaǵyn nesıe uıymdarymen jumys júrgizý jónindegi departamentiniń dırektory, Ómirzaq Syzdyqov qaýipsizdik departamentiniń dırektory bolyp taǵaıyndaldy.