«Aýyl sharýashylyǵyn qarjylaı qoldaý qory» Dırektorlar keńesiniń tóraǵasy ózgerdi
ALMATY. 7 tamyz. QazAqparat - «Aýyl sharýashylyǵyn qarjylaı qoldaý qory» AQ-nyń Dırektorlar keńesine jańa tóraǵa saılandy.
Ol «QazAgro» ulttyq basqarýshy holdıngi» AQ Basqarma tóraǵasynyń orynbasary qyzmetin atqaratyn Nurlan Ospanov. Qordyń baspasóz qyzmetiniń habarlaýynsha, bul taǵaıyndalýǵa deıin N.Eleýsizuly «Qazaqstannyń TKSh jańartý jáne damytý ortalyǵy» AQ Basqarma tóraǵasynyń orynbasary boldy. Sondaı-aq 19 shildeden bastap «QazAgro» holdıngi basqarma tóraǵasynyń orynbasary qyzmetin atqaryp keldi. Al «Aýyl sharýashylyǵyn qarjylaı qoldaý qory» AQ Dırektorlar keńesiniń sheshimimen tóraǵa jumysyn 30 shilde kúni bastaǵan.
Nurlan Eleýsizuly Ospanov 1971 jyly Shyǵys-Qazaqstan oblysy Semeı qalasynda týǵan. Qazaq memlekettik basqarý akademııasyn «ekonomıst» jáne Qazaq gýmanıtarlyq-zań ýnıversıtetin «zańger» mamandyǵy boıynsha bitirip, eńbek jolyn Qarjy mınıstrliginde 2-shi sanatty ekonomıst bolyp bastaǵan. Odan keıin ár jyldary Aýyl sharýashylyǵy mınıstrliginde Qarjy departamentiniń dırektory, Ekonomıka jáne bıýdjettik josparlaý mınıstrliginde Halyqaralyq qatynastar departamentiniń dırektory, Qarjy mınıstrliginde Qarjylyq baqylaý jáne memlekettik satyp alýlar komıteti tóraǵasynyń orynbasary, «Azyq-túlik korporatsııasy» UK» AQ-nyń basqarýshy dırektory, Basqarma tóraǵasynyń orynbasary qyzmetterin atqardy.
