«Aýyl sharýashylyǵyn qarjylaı qoldaý qory» AQ dırektorlar keńesiniń jańa basshysy saılandy

ASTANA. QazAqparat - «Aýyl sharýashylyǵyn qarjylaı qoldaý qory» AQ dırektorlar keńesiniń sheshimimen Muhamadıeva Aıgúl Stahanqyzy qordyń dırektorlar keńesiniń tóraıymy bolyp saılandy, dep habarlaıdy qordyń baspasóz qyzmetinen.

A.S.Muhamadıeva Shyǵys Qazaqstan memlekettik ýnıversıtetin «Teorııalyq matematıka» mamandyǵy magıstratýrasyn «Matematıka» mamandyǵy boıynsha támámdaǵan. Sondaı-aq Qazaq kólik jáne kommýnıkatsııalar akademııasyn «Býhgalterlik esep jáne aýdıt» mamandyǵy boıynsha bitirdi.

EQDB Qazaqstannyń shaǵyn bıznesin qoldaý baǵdarlamasynyń aýdıtory, Qazaqstan Respýblıkasyndaǵy ekinshi deńgeıli bankteri - «ATF Bank» AQ, «Qazkommertsbank» AQ basqarma bastyǵy, departament dırektorynyń orynbasary, dırektory bolyp qyzmet jasady. 2011-2014 j.j. «Agrarlyq nesıelik korporatsııasy» AQ basqarma tóraǵasynyń birinshi orynbasary boldy. 2014-2015 j.j. - «Samuryq-Qazyna» AQ bas dırektorynyń bıznesti damytý jónindegi orynbasary qyzmetin atqardy. 2015 jylǵy maýsymnan - «QazAgro» Ulttyq basqarýshy holdıngi» AQ basqarýshy dırektory. Qoǵamnyń jalǵyz aktsıoneri - «QazAgro» holdıngi basqarmasynyń 2015 jylǵy 19 maýsymdaǵy №38 sheshimimen «Aýyl sharýashylyǵyn qarjylaı qoldaý qory» AQ dırektorlar keńesiniń múshesi bolyp saılandy.