«Aýyl sharýashylyǵyn qarjylaı qoldaý qory» AQ-da jańa basshy
«KazAgronyń» enshiles uıymy - «Aýyl sharýashylyǵyn qarjylaı qoldaý qory» AQ-nyń ujymyna jańa basqarma tóraǵasyn tanystyrdy.
«Aýyl sharýashylyǵyn qarjylaı qoldaý qory» AQ Dırektorlar keńesiniń 2012 jylǵy 5 qarashadaǵy sheshimine sáıkes Basqarmanyń jańa tóraǵasy bolyp Narmuhan Sarybaev saılandy.
Sarybaev Narmuhan Qalmahanuly 1980 jyly dúnıege keldi. M.Áýezov atyndaǵy Ońtústik Qazaqstan Memlekettik ýnıversıtetin «ekonomıst» mamandyǵy boıynsha bitirdi.
N.Sarybaevtyń Ońtústik Qazaqstan oblysynyń kommertsııalyq jáne memlekettik qurylymdarynda úlken jumys tájirıbesi bar. 2009 jyldan bastap «QazAgro» Ulttyq basqarýshy holdınginiń Nesıelendirý departamentin basqardy.
2012 jylǵy mamyrdan bastap N.Sarybaev «Aýyl sharýashylyǵyn qarjylaı qoldaý qory» AQ Basqarma tóraǵasynyń orynbasary qyzmetin atqardy.
Anyqtama: «Aýyl sharýashylyǵyn qarjylaı qoldaý qory» AQ - «QazAgro» Ulttyq basqarýshy holdıngi AQ quramyna kiretin kompanııa. Qordyń mıssııasy - tıimdi shaǵyn nesıelendirý júıesin damytý arqyly aýyldaǵy kásipkerlikti damytý jáne halyqtyń ál-aýqatyn jaqsartý.
