Aýyl sharýashylyǵyn qarjylandyrý deńgeıi tómen - Vladımır Bojko
NUR-SULTAN. QazAqparat - Aýyl sharýashylyǵy taýarlaryn ónidirýshilerden tıisti nátıje bolatyndaı mehanızmdi daıarlaý kerek.
Bul týraly agroónerkásiptik keshen sýbektilerin qarjylandyrý máselesin talqylaý kezinde Parlament Májilisi tóraǵasynyń orynbasary Vladımır Bojko málim etti, dep habarlaıdy QazAqparat.
«Usynylǵan materıaldarǵa toqtalsaq, ótken jyly «QazAgro» holdıngi bólgen 400 mlrd teńge somasyndaǵy qarjylandyrý teńdessiz ósim bolyp otyr, ıaǵnı asa qomaqty deńgeıdegi qarjylandyrý baıqaldy. Osy oraıda Aýyl sharýashylyǵy mınıstrliginiń burynǵy basshysy Ómirzaq Shókeev (qazirgi Túrkistan oblysynyń ákimi Ó. Shókeev) salany qarjylandyrýdy aıtarlyqtaı kóbeıtýge kúsh-jigerin saldy. Alaıda bul qarjy somasy áli de jetkiliksiz bolýda. Reseı aýyl sharýashylyǵyn 10 paıyzǵa, Belarýs resmı túrde 18 paıyzǵa qarjylandyrýda, al biz aýyl sharýashylyǵy ІJÓ-sinen 4,5 paıyz deńgeıinde turmyz», - dep toqtaldy V. Bojko Parlament Májilisindegi dóńgelek ústel otyrysynda.
Osy oraıda ol saladaǵy negizgi problemalarǵa toqtala kele, birinshi másele tıimdi qarjylandyrýdyń jetkiliksiz bolýyna qatysty bolsa, ekinshiden, aýyl sharýashylyǵy taýarlaryn óndirýshiler qyzmetindegi tıimsizdik keri tartyp turǵanyn atap ótti.
Óz kezeginde QR Aýyl sharýashylyǵy vıtse-mınıstri Rústem Qurmanov búginde túrli sebeptermen bankter salany qarjylandyrýdy qysqartyp jatqanyn rastady.
«Men osyǵan deıin aıtqan edim, biz 10 jyl boıy gektarynan ortasha eseppen 12 tsentner astyq shyǵymdylyǵyn ustap turmyz. Osy ýaqyt ishinde gektarynan 12 tsentner deńgeıimen qandaı ekonomıka bolady? Atalǵan ýaqyt aralyǵynda janar-jaǵarmaı qymbattady. Energetıkanyń túngi tarıfin alyp tastady. ıAǵnı barlyq baǵyttar boıynsha qymbattaý bolǵanymen, aýyl sharýashylyǵy óndirisinde eńbek ónimdiligi men tıimdilik baǵytynda turaqty ósim baıqalmady», - dedi Májilis tóraǵasynyń orynbasary.
