Aýyl sharýashylyǵyn damytpaı, básekege qabiletti ekonomıka qurý múmkin emes – BQO ákimi

ORAL. QazAqparat -Aýyl sharýashylyǵyn damytpaı, básekege qabiletti ekonomıka qurý múmkin emes. Memleket basshysy Qasym-Jomart Toqaevtyń «Jańa jaǵdaıdaǵy Qazaqstan: is-qımyl kezeńi» atty Qazaqstan halqyna arnaǵan Joldaýyn júzege asyrý máselelerine arnalǵan oblys aktıvi jıynynda óńir basshysy Ǵalı Esqalıev osylaı aıtty, dep habarlaıdy QazAqparat tilshisi.

Oblys ákimi Prezıdent Joldaýynda áleýmettik-ekonomıkalyq turaqtylyqty, jumys oryndary men halyqtyń tabysyn saqtaý sııaqty basty mindetter aıqyndalǵanyn atap ótti.

Pandemııa kezinde Úkimet tarapynan ýaqytsha tabyssyz qalǵan 77 myńnan astam batysqazaqstandyq azamat 42 500 teńge áleýmettik kómek aldy.

«Biz indettiń qıyn kezeńinen ótkenimen, aldymyzda onyń saldaryn joıý jumystary tur. Osy rette Prezıdent Joldaýy elimizdiń ekonomıkalyq damýynyń ınnovatsııalyq ózegine aınalyp, básekege qabiletin arttyryp, el damýyna tyń serpin, jańa baǵdar beretini sózsiz», dedi ákim.

Memleket basshysynyń tapsyrmasyna sáıkes elimizdiń jańa ekonomıkalyq baǵdary basty jeti qaǵıdatqa negizdelip, ónerkásiptik áleýetti tolyq paıdalaný maqsatynda mańyzdy strategııalyó basymdyqtar aıqyndalyp, kásipkerlerdi jan-jaqty qoldaý jalǵasatyn bolady.

Aıtalyq, Joldaýǵa sáıkes shaǵyn jáne orta bıznes ókilderine qyzmetterin odan ári qaraı damytý úshin barlyq nesıelerdiń paıyzdyq mólsherlemesin 6 paıyzǵa deıin tómendetiledi. Bul, árıne, bıznes ókilderine úlken septigin tıgizeri sózsiz.

Ár sala aldynda turǵan maqsat-mindetterge toqtalǵan Ǵ.Esqalıev kelesi jyly aýyl sharýashylyǵy maqsatyndaǵy jerlerdi paıdalaný máselesi boıynsha Jer kodeksiniń keıbir normalaryna qatysty engizilgen moratorıı kúshin joıatynyn jetkizdi.

Táýelsizdik jyldaryna deıin óńirde 2 mıllıonǵa jýyq gektar egistik jerler bolǵan bolsa, búginde onyń sany 542 myń gektardy quraıdy. Al jaıylym 10 mln 540 myń gektar bolsa, qazirgi tańda jaıylym jerler 5 mln 527 gektardy qurap otyr. ıAǵnı Batys Qazaqstanda jaıylym jáne egistik jerlerin arttyrýǵa mol múmkindik bar.

Atalǵan baǵytta aýyl sharýashylyǵy jerlerin tıimdi paıdalaný boıynsha jumystar júrgizilip jatyr. Ótken jyldan beri memleket menshigine kólemi 108 myń ga jerler qaıtarylyp, 33 myń ga qaıta aýyl sharýashylyǵy aınalymyna engizildi, 442 myń ga jer telimderin qaıta ıgerý bastaldy.

Osy jumystardy ári qaraı jalǵastyrý jáne jedeldetý maqsatynda óńir jerlerin tsıfrly formatta kórýge múmkindik beretin geoaqparattyq portal aıaqtalýda.

Joldaýda aýyl eńbekkerleriniń aýyr jumysy tym arzan baǵalanatyny jáne tabystyń basym bóligine alypsatarlar kenelip jatatyny atap ótildi.

Prezıdentimiz aýyl sharýashylyǵyn damytý maqsatynda agrarlyq sektorǵa ınvestıtsııa tartý qajettigin baıandaı kele, jerimizdiń sheteldikterge satylmaıtynyn qadap aıtty.

«Memleket basshysy atap ótkendeı, memlekettik qyzmetkerler men qoǵam belsendileri jumys tıimdiligin arttyrsa, úlken nátıjelerge qol jetkizý qıyn emes.

Árqaısymyz azamattardyń ómir súrý sapasyn arttyrý týraly Elbasy strategııasynyń júzege asyrylýyna jaýaptymyz», dep túıindedi oıyn Ǵalı Esqalıev.

Memleket basshysynyń Joldaýynda kórsetilgen mindetterdi júzege asyrý maqsatynda oblys ákiminiń orynbasarlaryna, ákim apparatyna, basqarma basshylary, Oral qalasy men aýdandar ákimderine eki apta merzim ishinde arnaıy is-sharalar josparyn daıyndaý tapsyryldy.