Aýyl sharýashylyǵy jerleri bir adamnyń ıeligine shoǵyrlanbaıdy
ASTANA. QazAqparat - Bir adamnyń atyna aýyl sharýashylyǵy jerleriniń shoǵyrlanbaýyn retteıtin shekteý bar. Bul týraly búgin Astanada QR UEM Qurylys, turǵyn úı-kommýnaldyq sharýashylyq isteri jáne jer resýrstaryn basqarý komıtetiniń bólim basshysy Samat Sársenov málim etti.
Bir aýdan aýmaǵynda barlyq jaıylymdar men sýarmaly jerlerdi bir adamnyń satyp alýyna ruqsat etilmeıdi.
«2003 jyly Úkimettiń Qaýlysymen bekitilgen shekteý bar. Mysaly, aýyl sharýashylyǵy maqsatyndaǵy jerler, ıaǵnı jaıylym, egistik, shabyndyq , sýarmaly egister boıynsha bir zańdy tulǵa nemese jeke tulǵanyń qolynda qansha gektardy jekemenshikke berý týraly shekteý qoıylǵan. Bul shekteý árbir aýdan birlikteri turǵysynda jasaldy. Osy shekteýdi jasaý kezinde jergilikti jerlerdiń jer jaǵdaıy men jer resýrstarynyń kólemi eskerildi. Atap aıtqanda, buǵan sáıkes, shekteýden artyq jekemenshikke jer berilmeıdi. Bul norma osy kúshin saqtap otyr»,-dedi S. Sársenov baspasóz máslıhatynda.
Osy rette ol dáýletti adamdardyń atyna aýyl sharýashylyǵy maqsatyndaǵy jerler ótip ketýi, solardyń qoldarynda shoǵyrlanýy múmkin emes ekenin atap ótti.
«Shekteýdiń kólemi oblystarda,aýdandarda ár túrli. Máselen, jeke adamǵa tıisti bir kólemdegi jer aýqymy belgilense, óndiristik zańdy tulǵalarǵa bólek shekteý bar»,-dep toqtaldy komıtet ókili.
