Aýyl sharýashylyǵy vıtse-mınıstrine qatysty qylmystyq isti tergeý aıaqtaldy
ASTANA. QazAqparat - Qarjy polıtsııasy agenttigi 19 mamyrda QR Aýyl sharýashylyǵy mınıstrliginiń vıtse-mınıstri Ómirııaevke qatysty qylmystyq istiń tergeýin aıaqtady.
Ol memlekettik satyp alýlar konkýrsynda jeńimpaz atanýǵa kómegi úshin kásipkerden 100 myń AQSh dollary somasynda para aldy dep aıyptalýda.
Búgingi kúni aıyptalýshy men onyń qorǵaýshysyn qylmystyq is materıaldarymen tanystyrý protsedýrasy júzege asyrylýda, dep habarlady Qarjy polıtsııasynyń baspasóz qyzmetinen.
