Aýyl sharýashylyǵy ýnıversıtetiniń ǵylymı jobalary áleýetti júzege asyrýshylardyń nazaryna usynyldy
aýyl sharýashylyǵy taýarlaryn óndirýshilerdiń tapsyrystary boıynsha ǵylymı-zertteý jáne tájirıbelik-konstrýktorlyq jumystardy júrgizý úshin ınvestıtsııalardy tartý boıynsha ǵylymı semınar ótti.
Semınarǵa QR Aýyl sharýashylyǵy mınıstrliginiń, Pavlodar jáne Soltústik Qazaqstan oblystary ákimdikteriniń, «Astana», «Esil», «Saryrqa» jáne «Kaspıı» áleýmettik-kásipkerlik korporatsııalarynyń (ÁKK) ókilderi qatysty. Semınardy ǵylym, halyqaralyq baılanystar jáne ınvestıtsııalar jónindegi prorektor Laýra Sadyqova ashyp, ýnıversıtet týraly, ýnıversıtettiń ǵylymı jetistikteri, óndiriske jańa bilimdi, tehnologııalar men ınnovatsııalardy engizý máseleleri boıynsha óńirlermen yqpaldasý múmkindikteri jaıly baıandady. Óz kezeginde ýnıversıtet ǵalymdary óndiriske engizýge arnalǵan ınnovatsııalyq jobalaryn jáne ázirlemelerin tanystyrdy. Semınar barysynda «Ekonomıka jáne jerge ornalastyrý», «Aýyl sharýashylyǵy janýarlary men ósimdikterdiń bıotehnologııasy», «Veterınarııa jáne mal sharýashylyǵy», «Aýyl sharýashylyǵy óndirisin mehanıkalandyrý jáne jańǵyrtpaly energetıka» baǵyttary boıynsha 30-dan astam baıandama tyńdaldy.
Usynylǵan jobalar ákimshilikter men ÁKK ókilderiniń úlken qyzyǵýshylyǵyn týdyryp, ǵalymdarmen qyzý pikirtalas júrdi. Aýyl sharýashylyǵy ónimderin óndirýshilerge jetkizý maqsatynda semınar qonaqtaryna aıaqtalǵan ǵylymı-zertteý jumystarynyń elektrondy túrdegi katalogy taratyldy. Aldaǵy ýaqytta yntymaqtastyq jáne birlesip jumys jasaý jónindegi memorandýmdarǵa qol qoıý josparlandy.
