Aýyl sharýashylyǵy tehnıkalarynyń barlyǵyn túgel elde shyǵarý qajet - Vıtse-premer
Qazir osy máselege baılanysty jumys toby kúnde arnaıy májilis ótkizedi. Sondyqtan bul baǵyttaǵy jumystar aldaǵy ýaqytta nátıjesin beredi degen oıdamyn», dedi búgin Parlament Májilisinde ótken Úkimet saǵatynda Premer-Mınıstrdiń orynbasary, Indýstrııa jáne jańa tehnologııalar mınıstri Áset Isekeshov.
Mınıstrdiń sózine qaraǵanda, elde munaı-gaz salasyndaǵy mashına qurylysy boıynsha da júıeli sharalar atqarylýda. «Al qurylys materıaldaryna keletin bolsaq, biz áınek, keramıka, lınoleým, armatýra, syr sııaqty materıaldardy ımporttaımyz. Osyǵan baılanysty biz 2014 jylǵa qaraı ishki naryqtaǵy qurylys materıaldaryn qamtamasyz etýdi 80 paıyzdan asyrýdy josparlap otyrmyz», dedi Á. Isekeshov.
Onyń aıtýynsha, osy ýaqytta Qazaqstannyń damý banki arqyly túrkilik kompanııalardyń biri Shymkentte kramogranıt shyǵaratyn zaýyt ashty. «Ony qýattylyǵy 2,5 sharshy metrdi quraıdy. Kompanııa ókilderi bul kórsetkishti aldaǵy ýaqytta 2 eseden astam arttyrýǵa nıettenip otyr. Sondaı-aq olar Qostanaıdan keramıkalyq plıta shyǵarytyn zaýyt salýǵa kóshpek. Kórip otyrǵandaryńyzdaı, eldegi jalǵyz ǵana iri joba ishki naryqty jaýyp, Reseıdiń naryǵyna shyǵýǵa da múmkin beretindigin kórsetip otyr», dedi vıtse-premer.
