Aýyl sharýashylyǵy tehnıkalaryn jeńildetilgen nesıemen berý baǵdarlamasy iske qosylady

NUR-SULTAN. QazAqparat – Elimizde otandyq aýyl sharýashylyǵy tehnıkalaryn satyp alýǵa arnalǵan jeńildetilgen nesıe berý baǵdarlamasy iske qosylady. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti málim etti, dep habarlaıdy QazAqparat tilshisi.

«Indýstrııa jáne ınfraqurylymdyq damý mınıstrligi men Ekologııa, geologııa jáne tabıǵı resýrstar mınıstrligi birlesip, ROP operatorynyń qarajatyn paıdalana otyryp, otandyq aýyl sharýashylyǵy tehnıkasyn satyp alý úshin jeńildetilgen kredıt berý tetigin engizý mehanızmin pysyqtap jatyr», - delingen mınıstrlik habarlamasynda.

Vedomstvo baǵdarlamany bıyl iske asyrý úshin 3,5 mlrd teńge qarastyrylyp otyrǵanyn habarlady. Al aralas kózder arqyly tartylatyn qarjy kólemi – 7 mlrd teńge.

Bul ýaqytqa deıin aýyl sharýashylyǵy tehnıkasy eki ese qymbattaǵanyn jazyp edik.