Aýyl sharýashylyǵy tehnıkalaryn da jeńildetilgen nesıemen berý kerek – Dınara Shúkijanova
«Qostanaı traktor zaýytynda shyǵarylatyn tehnıkalardyń baǵasyna kádege jaratý alymynyń quny qosylmaıdy. Buǵan qosa, Qazaqstan aýmaǵynda aýyl sharýashylyǵy tehnıkalaryn shyǵaratyn barlyq zaýyttyń óz tehnıkalary baǵasyna kádege jaratý alymyn qospaıtyndyǵyn atap ótken jón. Buǵan deıin Aýyl sharýashylyǵy mınıstrligi 2021 jyly satyp alynǵan tehnıkalardyń 89 paıyzy elimizde quralystyrylǵandyǵy týraly aqparat taratqan bolatyn. Demek, tehnıkalardyń 89 paıyzy kádege jaratý alymy qunysyz satyp alynǵan degen sóz», - dedi ol.
Osy rette zaýyt dırektory jeńil kóliktermen qatar aýyl sharýashylyǵy tehnıkalaryn jeńildetilgen nesıemen satý baǵdarlamasynyń qajet ekendigin alǵa tartady.
«Jeńildetilgen nesıeni aýyl sharýashylyǵy tehnıkalaryna da berý kerek sııaqty. Fermerlerdiń jaǵdaıy qandaı bolyp otyrǵanyn ózderińiz de bilesizder, ekinshi jyl qatarynan qurǵaqshylyq bolyp tur. Sol sebepti aýyl sharýashylyǵy tehnıkalarynyń jeńildetilgen nesıemen berilýin fermerler taǵatsyzdana kútýde», -dedi Dınara Shúkijanova.
Aıta keteıik, búgin «Habar-24» telearnasyndaǵy «Suhbat» baǵdarlamasy barysynda birinshi vıtse-premer Roman Sklıar «Jasyl damý» AQ esepshotyndaǵy 200 mlrd teńgeden astam bos qaldyqtyń 100 mlrd teńgesi otandyq kólikterdi satyp alý úshin jeńildetilgen avtonesıege beriletindigin aıtqan bolatyn.
