Aýyl sharýashylyǵy taýaryn óndirýshilerge jeńildikti kredıt beriledi

NUR-SULTAN. QazAqparat – Aýyl sharýashylyǵy taýaryn óndirýshilerge 150 mlrd teńge jeńildikti kredıt beriledi. Bul týraly Úkimet otyrysynda QR Aýyl sharýashylyǵy mınıstri Erbol Qarashókeev málim etti, dep habarlaıdy QazAqparat tilshisi.

«Azyqpen qamtamasyz etý máselesin júıeli sheshý maqsatynda Azyqpen qamtamasyz etý salasyn damytýdyń 2022-2025 jyldarǵa arnalǵan jol kartasy ázirlenip, iske asyrylýda. Jol kartasy aıasynda azyq-túlikpen qamtamasyz etý jáne aýa raıy faktorlarynyń aýyl sharýashylyǵy óndirisine teris áserin nıvelırleý máselesin sheshý maqsatynda eginshilikti naqty ártaraptandyrý kózdeledi», - dedi mınıstr.

Onyń atap ótinshe, osy jyldyń kóktemgi dala jumystaryn ýaqtyly jáne sapaly júrgizý maqsatynda mınıstrlik barlyq qajetti is-sharalardy qabyldaýda. Mınıstrlikte óńirlerdegi kóktemgi egisti júrgizý jumystaryn úılestirý boıynsha Jedel shtab quryldy.

«Agroónerkásiptik keshen sýbektilerin qoldaý jónindegi is-sharalardy júrgizý úshin aýyl sharýashylyǵy taýaryn óndirýshilerge «Keń dala» baǵdarlamasy arqyly 70 mlrd teńge kóleminde jáne Azyq-túlik kelisimshart korporatsııasynyń forvardtyq satyp alýy arqyly 80 mlrd teńge kóleminde jeńildikti kredıt beriletin bolady», - dedi Erbol Qarashókeev.