Aýyl sharýashylyǵy taýaryn óndirýshilerge nesıe alý jeńildeıdi
ASTANA. QazAqparat - Aýyl sharýashylyǵy taýaryn óndirýshilerge nesıe alý jeńildeıdi. Bul týraly búgin Agrarlyq nesıe korporatsııasynyń basqarma tóraǵasy Nurmuhan Sarybaev aıtty, dep habarlaıdy QazAqparat tilshisi.
"Aǵymdaǵy jyly aýyl sharýashylyǵy taýarlaryn óndirýshilerge kóktemgi egistik jumystaryna memleket tarapynan jyldyq mólsherlemesi 7 paıyzben 60 mlrd teńge qarajat bólinedi. Egis alqaptarynyń basym bóligi Aqmola, Qostanaı jáne Soltústik Qazaqstan oblystarynda ornalasqan. Sondyqtan qarajattyń basym bóligi osy oblystarǵa tıesili. Degenmen, biz ótinimderge qaraımyz. ıAǵnı, basqa óńirlerden ótinim kóp túsetin bolsa, onda nesıeni olarǵa da beremiz. Eń bastysy ýaqtyly ótinimderin tapsyrsa bolǵany", - dedi ol Aýyl sharýashylyǵy mınıstrliginde ótken baspasóz máslıhatynda.
N.Sarybaevtyń atap ótýinshe, osy jyldyń basynan beri korporatsııa aýyl sharýashylyǵy taýarlaryn óndirýshilerden ótinimderdi qabyldap jatyr.
"Bıyl ilki joba retinde Aqparattyq esepteý ortalyǵymen birge qoldau.kz saıtynda agrokredıt bólimin ashamyz. Atalǵan bólim aqpan aıynan bastap iske qosylady. Oǵan nesıeni tikeleı alatyn sharýa qojalyqtary onlaın rejimde tirkelip, ótinimderin tapsyrady. Sol arqyly olar ýaqytyn únemdeıdi. Qansha jeri bar, ótken jyly qansha ónim alǵany, qandaı kepildigi bar ekendigin dáleldeıtin qujattar jınaýdan bosatylady. Bul qujattar memlekettik bazadan alynady", - dedi korporatsııa basshysy.
