Aýyl sharýashylyǵy taýaryn óndirýshilerge qysqy jáne kóktemgi egis jumystaryna oraı 733 myń tonna dızel otyny jetkizildi - S. Myńbaev
;ASTANA. Qarashanyń 16-sy. QazAqparat /Ernur Aqanbaı/ - Aýyl sharýashylyǵy taýaryn óndirýshilerge kóktemgi jáne kúzgi egis jumystaryn yrǵaqty júrgizý úshin Úkimet belgilegen baǵa boıynsha 733 myń tonna dızel otyny jetkizildi. Bul týraly búgin Úkimet otyrysynda Energetıka jáne mıneraldyq resýrstar mınıstri Saýat Myńbaev málim etti,
dep habarlaıdy QazAqparat.
Osylaısha dıqandarǵa dızel otynyn jetkizý tolyǵymen sheshildi. Bul másele boıynsha eshqandaı problema joq. «Baǵdarlamadan tys dızel otynyna qatysty aıtsaq, mundaǵy baǵa barynsha turaqty. Respýblıka boıynsha shildeniń basynda 1 lıtr dızel otynynyń baǵasy 62 teńge boldy. Qazir jazǵy dızel otynynyń 1 lıtriniń baǵasy 64-65 teńge. Deıturǵanmen oblystar boıynsha onyń baǵasynda azdap ary-beri aýytqýshylyqtar bar. Rynoktaǵy jaǵdaı osyndaı», dedi otyrysta S. Myńbaev.
Jazǵy maýsymǵa qaraǵanda qysqy dızel otynynyń baǵasy biraz joǵary. «Qazir biz monıtorıng júrgizýdemiz. Tek Soltústik Qazaqstan oblysynda dızel otynynyń ortasha baǵasy respýblıkalyq baǵadan joǵary. Bul dızel otynynyń Reseıden jetkizilýimen baılanysty. «Bul máseleni sheshý jóninde tapsyrma bar. Sizdiń nusqaýyńyzben quramyna básekelestikti qorǵaý agenttigi, tabıǵı monopolııalardy retteý agenttigi, energetıka jáne mıneraldyq resýrstar mınıstrliginiń ókildigi kiretin jumys toby quryldy. Biz jedel qımyldap jatyrmyz, qysqy dızel otynynyń baǵasy boıynsha eshqandaı másele týyndamaıdy», dedi mınıstr.
