Aýyl sharýashylyǵy taýar óndirýshilerin qoldaý jónindegi sharalar halyqtyń materıaldyq ál-aýqatyn arttyrýǵa jaǵdaı jasaýda
ASTANA. 18 qańtar. QazAqparat - «Jánibek Senbek» ShQ, «Shymkent qus» JShS, «Ońtústik Batys mal jáne ósimdik sharýashylyǵy ǵylymı-zertteý ınstıtýtty» JShS ujymdary saılaýdaǵy jeńisine oraı «Nur Otan» partııasyn jáne onyń Tóraǵasy Nursultan Nazarbaevty quttyqtady.
Quttyqtaýda aýyl sharýashylyǵy taýar óndirýshilerin qoldaý jónindegi sharalar halyqtyń materıaldyq ál-aýqatyn arttyrýǵa jaǵdaı jasaýda ekendigi atap ótilgen.
«Búginde jol salynbaǵan, aýyzsý men gaz jetkizilmegen aýyl qalmady desek bolady.
Ótken Parlament Májilisi jáne barlyq deńgeıdegi máslıhattar depýtattaryn saılaýdyń jóni bólek boldy. Muny bizdiń árqaısysymyz jete túsinip, bárimizde tańdaýymyzdy «Nur Otan» HDP-ǵa jasadyq.
«Nur Otan» arqyly eldegi turaqtylyqty, bereke-birlikti, baqýatty turmysty nyǵaıtý jolynda biz qol jetken bıikterden de joǵary belesterge jetý úshin burynǵydan da uıymshyldyq, yntalylyq tanyta beremiz»,-delingen quttyqtaýda.
