Aýyl sharýashylyǵy salasyndaǵy jas mamandardyń turǵyn úı máselesin sheshý kózdelip otyr - «QazAgroInnovatsııalar» AQ
ASTANA. 23 qarasha. QazAqparat /Arman Asqarov/ - «QazAgroInnovatsııalar» AQ qarasty ǵylymı-zertteý ınstıtýttardyń janynan jas mamandar úshin qarjylaı qor qurý josparlanyp otyr. Bul týraly búgin «Bnews.kz» aqparattyq portalynyń negizinde ótken Internet konferentsııasy barysynda «QazAgroInnovatsııalar» AQ prezıdenti Serik Kenenbaev málim etti.
Onyń sózine qaraǵanada, osy qorlarda jınalǵan qarajatty jas mamandardyń is-tájirıbelerin shyńdaýǵa, qaıta daıarlaý kýrstaryna, sondaı-aq shet tilderin oqytýǵa jumsaý kózdelip otyr. «Árıne, biz jas mamandarǵa materıaldyq jaǵynan kómektesýdi, ıaǵnı turǵyn úımen qamtamasyz etýdi de oılastyryp jatyrmyz. Máselen, birneshe ǵylymı-zertteý ınstıtýttardyń qarjylyq múmkindikterin biriktire otyryp, shaǵyn jataqhanalar ashýǵa bolady. Búgingi tańda biz osy baǵytta jumys istep jatyrmyz», - deıdi S.Kenenbaev.
Sondaı-aq onyń aıtýynsha, aýyl sharýashylyǵy salasyndaǵy bilimdi ári qaraı damytý jolynda joǵary oqý oryndarynda magıstratýra men doktorantýra bólimderin ashý josparlanǵan.
