Aýyl sharýashylyǵy salasyndaǵy sýbsıdııa deńgeıi 2017 jylǵa qaraı 10 paıyzǵa jetedi
ASTANA. QazAqparat - Aýyl sharýashylyǵy salasyndaǵy sýbsıdııa deńgeıi 2017 jylǵa qaraı 10 paıyzǵa jetedi. Bul týraly Parlament Senatynyń jalpy otyrysynda Ekonomıka jáne bıýdjettik josparlaý mınıstriniń mindetin atqarýshy Erbolat Dosaev málim etti.
«Aýyl sharýashylyǵy salasyn sýbsıdııalaý kólemi Qazaqstanda 3,5 paıyzdy qurap otyr. Bul kórsetkish Reseıde 6-7 paıyz bolsa, Keden odaǵy aıasyndaǵy sýbsıdııa mólsheri eń joǵary Belarýs elinde - 18 paıyzǵa deıin jetedi. Degenmen, kelsimsharttar boıynsha 2017 jylǵa deıin Qazaqstan aýyl sharýashylyǵy sýbsıdııalarynyń deńgeıin jalpy ishki ónimniń 10 paıyzyna deıin jetkizýimiz kerek», - dedi Erbolat Dosaev.
Onyń aıtýynsha, búgingi tańda Eýrazııalyq ekonomıkalyq keńistik aıasyndaǵy kelisimsharttar sheńberinde qazaqstandyq sarapshylar aýyl sharýashylyǵy salasyn sýbsıdııalaýdyń biryńǵaı deńgeıine qatysty jiti kelissózder júrgizip keledi.
Mınıstr mindetin atqarýshy E. Dosaevtyń málimetine súıensek, Qazaqstanda iri qara mal etine suranys 2012 jyly 394 myń tonna, 2013 jyly 402 myń tonna bolsa, al 2014 jyly 407-410 myń tonna bolady dep boljanyp otyr. Al et óndirisine kelsek, 2012 jyly bul 373 myń tonnany, 2013 jyly 385 myń tonnany qurady, 2014 jyly 392 myń tonna bolady dep josparlanyp otyr.
Toqtala ketetin jaıt, jalpy otyrysta senator Svetlana Jalmaǵambetova Qazaqstannyń taýar óndirýshileri tarapynan elimizge arzan ári sapasyz etter qaptap kelip jatqany týraly másele kóterilgenin aıtyp, elimizdegi et óndirisiniń ózindik quny joǵary ekenine nazar aýdarǵan bolatyn.
«Shyndyǵynda, Qazaqstanda et óndirisi básekelestik turǵysynan tıimsiz bolyp otyr. Óıtkeni, Reseı men Belarýs eti tómengi kedendik bajben kelip, naryqty basyp qalyp jatyr», - dedi senator S. Jalmaǵambetova.
