Aýyl sharýashylyǵy salasynda hımııalandyrý jumystary talapqa saı emes - mınıstr
ASTANA. Aqpannyń 3-i. QazAqparat /Aıdar Ospanalıev/ - Aýyl sharýashylyǵy salasynda hımııalandyrý jumystary talapqa saı emes nemese bizde mıneraldyq tyńaıtqyshtar az qoldanylýda.
Bul týraly búgin Parlament Senatynda ótken Úkimet saǵatynda Aýyl sharýashylyǵy mınıstri Aqylbek Kúrishbaev málim etti, dep habarlaıdy QazAqparat.
Onyń málimetterine qaraǵanda, elimizdiń astyq sebetin aımaqtarynda dándi daqyldardyń ónimdiligi klımat jaǵdaıy uqsas damyǵan eldermen salystyrǵanda shamamen 30 paıyzǵa tómen. «Onyń basty sebebi mıneraldyq tyńaıtqyshtardyń az qoldanylýymen baılanysty bolyp otyr. Osyǵan baılanysty biz mıneraldyq tyńaıtqyshtar qunyn sýbsıdııalaýdy jeke bıýdjettik baǵdarlama retinde qarastyryp otyrmyz. Sondaı-aq biz atalmysh baǵdarlamaǵa ónim óndirýshilerdi de qatystyryp, olardy hımııa ónerkásibin damytýǵa yntalandyrýdamyz», dedi mınıstr.
Onyń mal sharýashylyǵyn sýbsıdııalaý máselesine qatysty aıtqan sózine qaraǵanda, bul baǵyttaǵy jumystar maldyń tuqym sapasyna baılanysty júrgizilýde. ıAǵnı, maldyń genetıkalyq áleýeti neǵurlym joǵary bolsa, oǵan bólinetin qarjy da soǵurlym kóp bolmaq.
