Aýyl sharýashylyǵy salasynda bıýdjetti qysqartý emes, kerisinshe memlekettik qoldaýdy arttyrý qajet - A.Mamytbekov
Mınıstrdiń keltirgen málimetine qaraǵanda, elimizdiń aýyl sharýashylyǵy salasyndaǵy, sonyń ishinde mal sharýashylyǵynyń ónimdiligi men ósimdik sharýashylyǵyndaǵy negizgi kórsetkishter álemdik deńgeıden áli de tómen. Sektordaǵy eńbek ónimdiligi de tómen deńgeıde bolyp otyr.
«Sondyqtan da, agrarlyq sektordy qarjylandyrý júıesin qaıta qarastyrý qajettiligi týyndaıdy. Bul rette aýyl halqy sanynyń úlestik artyqshylyǵyn, salada qyzmet etetin ekonomıkalyq belsendi jurtshylyq úlesin esepke ala otyryp, memelkettik qoldaý kólemin saqtaý ǵana emes, ony arttyrý da mańyzdy dep sanaımyz. Sondyqtan da, bizdiń usynysymyz memelkettik qoldaýlardy qysqartyp, bıýdjetti ońtaılandyrýǵa qatysty bolmaıdy. Kerisinshe, biz buǵan deıin belgilengen jospar boıynsha ony arttyrýdy qalaımyz», - dedi A. Mamytbekov.
Bul rette mınıstr «Agrobıznes-2020» baǵdarlamasyna sáıkes, 2020 jylǵa qaraı aýyl sharýashylyǵyn memelkettik qoldaý 4,5 esege artýy qajettigin eske saldy.