Aýyl sharýashylyǵy salasynda áleýmettik-ekonomıkalyq jáne eńbek qarym-qatynastaryn retteý boıynsha kelisimge qol qoıyldy

ASTANA. 26 shilde. QazAqparat - Aqmola oblysynyń Şýchınsk qalasynda jumys berýshi jáne qyzmetker arasynda ujymdyq kelisimniń negizi bolatyn QR Aýyl sharýashylyǵy mınıstrligi, Qaıta óńdeý jáne aýyl sharýashylyǵy uıymdarynyń qyzmetkerleri men Respýblıkalyq jumys berýshiler odaǵy arasynda salalyq kelisimge qol qoıyldy. Bul týraly mınıstrliktiń baspasóz qyzmetinen habarlandy.

2013-2016 jyldarǵa arnalǵan qujat saladaǵy áleýmettik seriktestik akt taraptarmen aýyl sharýashylyǵy kásiporyndary men uıymdarynyń turaqty jumysyn qamtamasyz etý, sondaı-aq aýyl sharýashylyǵy qyzmetkerleriniń ómirlik deńgeıin joǵarylatý boıynsha birqatar mindetterdi sheshý qarastyrylǵan.

QR Aýyl sharýashylyǵynyń vıtse-mınıstri Marat Tolybaev, Qazaqstannyń Ulttyq ekonomıka palata Basqarmasy Tóraǵasynyń birinshi orynbasary Rahym Oshaqbaev jáne salalyq kásipodaqtyń tóraǵasy Ábýbákir Súleımenov Kelisimge qol qoıýshylar atynan barlyq jumys berýshilerge jáne kásipodaq komıtet salalaryna QR Eńbek kodeksinde bekitilgen aılyq ýaqytta kelisimge qosylýǵa shaqyrdy.